Hua Savera
Zameen per phir adab se aakash
Apne sar ko jhuka raha hai
Ki bachhey school ja rahe hai
Nadi mein snan karke suraj,
Sunhari mal mal si paghdi bandhey
Sadak kinare
Khada hua muskura raha hai
Ki bachhey school ja rahe hai
Hawaein Sar sabj daliyon mein
Duwaon ke geet gaa rahi hain
Mehaktey phoolon ki loriyan
Sote hue raston ko jaga rahin hai
Ghanera peepal
Gali ke kone se haath apna hila raha hai
Ki bachhey school ja rahe hai
Farishtey nikley hai roshni key
Har ek rasta chamak raha hai
Yeh waqt wo hai
Zameen ka har zarra
Maa ke dil sa dhadak raha hai
Purani ek chhat pe waqt baitha hai
Kabootaron ko uda raha hai
Key bachhey school ja rahein hai
Bachhey school ja rahein hai.
